Ինչպես Ձեռք Բերել Դեղատոմսով Դեղեր 

«L.A. Care» Առողջապահական Ծրագիրը և Ձեր Համագործակցող Ծրագիրը աշխատում են Ձեր շրջակայքում գտնվող շատ դեղատների հետ:  Յուրաքանչյուր Համագործակցող Ծրագիր ունի իր հետ պայմանագրված դեղատների խումբ:  Ձեր Համագործակցող Ծրագրի դեղատների ցանկի համար խնդրվում է զանգահարել Ձեր Համագործակցող Ծրագրի Անդամի Ծառայությունների Բաժանմունք :

Ձեր բժիշկը ունի մեծ ընտրանի՝ Ձեզ համար լավագույն դեղը ընտրելու համար:  Սա ներառնում է առանց դեղատոմսի վաճառվող դեղերը:  Յուրաքանչյուր Համագործակցող Ծրագրի կողմից առաջարկված և վավերացված դեղերի ցանկի համար, խնդրվում է զանգահարել մեր Անդամի Ծառայությունների Բաժանմունք :

Եթե Դեղատոմսով Դեղեր Գնելու Կարիք Ունեք

Որ Դեղերն են Ապահովագրված

Ձեր Համագործակցող Ծրագիրը օգտագործում է վավերացված դեղերի ցուցակ  կոչվող հաստատված դեղերի ցանկ:  Վավերացված դեղերի ցուցակի դեղամիջոցները ապահով են:  Սովորաբար Ձեր բժիշկը վավերացված դեղերի ցուցակից է  դեղեր նշանակում:  Վավերացված դեղերի ցուցակը ուզելու համար, դուք կարող եք զանգահարել Ձեր Համագործակցող Ծրագրի Անդամի Ծառայությունների Բաժանմունք: Դուք կարող եք պահանջել նաև այն ցուցակը, որը համեմատում է բոլոր Համագործակցող Ծրագրերի հաստատած դեղերը՝ զանգահարելով «L.A. Care»-ի Անդամի Ծառայությունների Բաժանմունք :

Ելնելով Ձեր առողջական վիճակից՝ առաջնային խնամքի բուժսպասարկողը կարող է նշանակել վավերացված դեղերի ցուցակի մեջ չնշված դեղատեսակ:  Ձեր Համագործակցող Ծրագիրը վավերացնում և թույլ է տալիս ստանալ.

		Դեղատոմսով դեղերի ցուցակում հաստատված այն դեղերը, որոնք,  նշանակված են Ձեր առաջնային խնամքի բուժսպասարկողի կողմից:
		Հաստատված դեղերի ցուցակում նշված առանց դեղատոմսի վաճառվող դեղեր (հազի դեղամիջոցներ, ասպիրին,և այլն), որոնք նշանակված են Ձեր բժշկի կողմից:
		Ինսուլին, ինսուլին ներարկիչներ, գլյուկոզի քննության թղթիկներ, լանցետներ, արտաշնչումը բարելավող սարքեր, Էպինեֆրինի ներարկիչներ (Epipens) և հակամիջուկային հակամարմնի սարքավորումեր (Ana-kits):
		Հակաբեղմնավորիչ դեղահաբեր, հակաբեղմնավորիչ միջնորմներ (diaphragms), ապահովիչներ, և հակաբեղմնավորիչ մածուկներ:

Ձեր բժիշկը երբեմն անհրաժեշտ կարող է համարել նշանակել դեղեր, որոնք վավերացված դեղերի ցուցակի մեջ չեն:  Դրա համար Ձեր բժիշկը և/կամ դեղագործը Համագործակցող Ծրագրի թույլտվության կարիք կունենան:  Ձեր Համագործակցող Ծրագիրը հավելյալ տեղիեկություններ կհարցնի Ձեր բժիշկից և/կամ դեղագործից:  Համագործակցող Ծրագիրը կորոշի հաստատել դեղը, թե ոչ:  Եթե դեղը չհաստատվի, Դուք որոշումը վերանայելու իրավունք  ունեք:  Սովորաբար դեղի հասատատումը տևում է մեկ օր կամ ավելի քիչ:  Ձեր բժիշկը կամ դեղարանը Ձեզ տեղյակ կպահեն երբ դեղը հաստատվի:  Այնուհետև դեղատնից Դուք կարող եք ստանալ Ձեր դեղը: